buy Kamagra Jelly, purchase clomid. विराटनगर, ९ पुस । मोरङको सुन्दरहरैंचा नगरपालिका ५ मा चिसोका कारण दुई सातामा दुई जनाको मृत्यु भएको छ । स्थानीय मनिषा ऋषिदेवकी एक महिनाकी छोरी र स्थानीय ४५ वर्षीय लतु ऋषिदेवको मृत्यु भएको हो ।

मंसिर अन्तिम साता यता उनीहरुको मृत्यु भएको बताइएको छ । पुसको कठ्याङ्ग्रिदो चिसोमा लगाउने न्यानो कपडा नहुँदा ज्याननै जाने घटना भएको स्थानीय लहरी ऋषिदेवले बताउनु भयो । उहाँका अनुसार एक महिने शिशुको मृत्यु भए पनि स्थानीयको सहयोगमा परिवारका सदस्यले सुत्केरी अवस्थाकी आमालाई चैं बल्लतल्ल बचाउन सके ।

न्यायो कपडा नहुँदा कठ्याङ्ग्रिएर उनीहरुको मृत्यु भएको लहरीले बताउनु भयो । ‘हामीसंग जाडोमा लगाउने न्यानो कपडा पनि छैन । कपडा किन्ने पैसा पनि छैन,’ स्थानीय बद्री ऋषिदेवले भन्नु भयो, ‘मुसहर समुदायलाई विहान बेलुका छाक टार्न नै धौधौ परिरहेको हुन्छ ।

अरु कुराको व्यवस्था गर्न त सम्भव नै छैन ।’ दिनप्रतिदिन चिसो बढ्दै जाँदा मोरङको सुन्दरहरैंचा ५ र ६ का मुसहर समुदायको दैनिकी कष्ठपूर्ण बन्दै गएको छ । न्यानो कपडा नहुँदा परिवारका सदस्य गुमाउनु परेको पीडाले यो समुदायलाई पिरोलिरहेको सुन्दरहरैंचा ६ का वडा अध्यक्ष जीवन राईले बताउनु भयो । सुन्दरहरैंचा ५ र ६ मा मुसहर समुदायका ३५ परिवारको बसोबास छ ।

टाटीले बारबेर गरेर बनाइएका घरमा जाडोमा लगाउने कपडाको व्यवस्था समेत छैन । आर्थिक अवस्था एकदमनै कमजोर भएका कारण विहान बेलुका छाक टार्न समेत यो समुदायलाई धौधौ परिरहेको राईले बताउनु भयो । वडाअध्यक्ष राईले सबै कुराको अभाव हुँदा मुसहर समुदायको दैनिकी निक्कै कष्टकर बनेको बताउनु भयो ।

‘गरिवीको चपेटामा परेको मुसहर समुदायको दैनिकी चिसोले थप कष्टकर बनेर गएको छ,’ उहाँले भन्नु भयो, ‘उनीहरुका लागि गाँस, बास र कपास सहितको योजना लिएर जानका लागि पहल भइरहेको छ ।’ बाँसको टाटीले बारेर बनाएको घरमा चिसो सिरेटोले सताउँदा दुई जनाको ज्यान गइसकेको बताउँदै राईले आर्थिक अवस्था नाजुक हुँदा चिसोबाट परिवारका सदस्य बचाउन पनि नसकिरहेको जानकारी दिनु भयो ।pharmacy

सम्बन्धित शीर्षकहरु

नेकपा कटहरी संगठन विभाग प्रमुखमा बुढाथोकी

बालबालिकाको क्षमता मूल्यांकन सम्बन्धी कार्यशाला

सार्वजनिक भवन अपाङ्गता मैत्री हुनुपर्यो

बीपीका उपकुलपति रौनियार पदमुक्त

विराटनगरमा हिसान स्पोर्ट्स मिट शुरु

‘विपद् बाट हुने जोखिमलाई विकाससँग जोडौं’