प्रकाशित : २७ कार्तिक २०७८, शनिबार १८:३९

विराटनगर, २७ कात्तिक । विराट साहित्य संगमले तीन जना साहित्यकारलाई पुरस्कृत गरेको छ । शनिबार विराटनगरमा आयोजित कार्यक्रममा संगमले साहित्यका विभिन्न विधामा कलम चलाउने साहित्यकारहरूलाई नगदसहित पुरस्कृत गरेको हो ।

कार्यक्रममा ५ हजार १ सय राशिको ‘राधादेवी दाहाल स्मृति पुरस्कार’ बेलबारीकी साहित्यकार तीला लेकाली, ५ हजार १ सय राशिकै ‘वैजनाथ–यमुनादेवी भट्टराई स्मृति पुरस्कार’ झापाकी साहित्यकार मीना अधिकारी र २ हजार ५ सय नगद राशिको ‘विराट साहित्य संगम प्रतिभा पुरस्कार’ युवाकवि प्रिन्स प्रमोद ढकाललाई समर्पण गरिएको थियो ।

उनीहरूलाई संगमका संस्थापक अध्यक्षसमेत रहनु भएका अग्रज साहित्यकार बलराम पोखरेल, आयोजक संस्थाका अध्यक्ष मधु पोखरेल, पुरस्कारका संस्थापक रामबाबु दाहाल र गोविन्द चापागाईंले दोसल्ला ओढाएर सम्मानपत्र र नगद प्रदान गर्नुभएको थियो ।सो अवसरमा चूडामणि नेपाल अकिञ्चन, दिङ्लाली कान्छो, लक्ष्मी श्रेष्ठ, विनोद विवश, फणिराज नेपाललगायतले आ–आफ्ना सिर्जना वाचन गरे ।

कार्यक्रममा आयोजक संस्थाका सचिव गोपाल निर्भीक, साहित्यकार लोचन रिजाल, भरत गुरागाईं बर्बरिक, भीम कोइरालालगायतले सम्मानित स्रष्टाहरूको व्यक्तित्व र कृतित्वका विषयमा प्रकाश पार्नुभएको थियो ।

सामाजिक संजाल

प्रधान सम्पादक

महेन्द्र विष्ट

9852034125

Official Contact

अरुण खबर मिडिया प्रा. लि.

[email protected]

Web: www.arunkhabar.com

दर्ता जानकारी

कम्पनी दर्ता न.१८१३८८

भ्याट न : ६0६८११२७३