प्रकाशित : ७ आश्विन २०७७, बुधबार १६:४६

विराटनगर, ७ असोज । नेपाल औषधी व्यवस्था विभाग विराटनगर शाखा कार्यालयमा सेवाग्राहीलाई छिटो र छरितो तरिकाले सेवा लिन सहजता प्रदान गर्ने उद्देश्यले हेल्प डेक्स संचालनमा आएको छ । नेपाल औषधी व्यवसायी संघ मोरङ, झापा र सुनसरीले संयुक्त रूपमा बुधबार एक कार्यक्रम आयोजना गरि हेल्प डेक्स संचालनमा ल्याएका हुन् ।

हेल्प डेक्सको शुभारम्भ नेपाल औषधी व्यवस्था विभाग विराटनगरका प्रमुख संजिव शर्मा कट्टेलले गरे । कार्यक्रममा बोल्दै उनले सेवाग्राहीलाई सहज रुपमा छिटो छरितो तरिकाले सेवा प्रवाह गर्दै आएपनि हेल्प डेक्स संचालनमा आएपछि अझ सेवाग्राहीलाई सेवा लिन सहज हुने बताए ।

यस अघिपनि हेल्प डेस्क रहेको भएपनि लकडाउनपछि बन्द भएको थियो । लकडाउन खुलेपनि हेल्प डेस्क संचालनमा नआउँदा सेवाग्राही औषधी व्यवसायीहरुलाई समस्या भएको महशुस गरि झापा, मोरङ र सुनसरीका औषधी व्यवसायीहरू मिलेर एक जना प्राविधिक राखि संचालनमा ल्याएको नेपाल औषधी व्यवसायी संघ मोरङका उपाध्यक्ष एवं प्रवक्ता देशबन्धु ढकालले जानकारी दिए । हेल्प डेक्स संचालनमा आएपछि व्यवसायीहरूको अनलाइन फर्म देखि पसलको नविकरण र नयाँ पसल दर्ताको प्रक्रियामा सहजता प्रदान हुने उनले बताए । औषधी व्यवस्था विभाग विराटनगर शाखाबाट दैनिक ५० सय जना सेवाग्राहीलाई सेवा प्रदान गर्दै आएको छ ।

कार्यक्रममा नेपाल औषधी व्यवसायी संघ मोरङका अध्यक्ष लक्ष्मी तिम्सिना, सुनसरीका अध्यक्ष रबिन्द्र घिमिरे र झापाका अध्यक्ष गौतम गुप्ता, कोशी अञ्चलका पूर्व अध्यक्ष तथा मोरङका सल्लकार लक्ष्मण माझी र तीन जिल्लाका पदाधिकारी र व्यवसायीहरूको सहभागिता रहेको थियो ।

सामाजिक संजाल

प्रधान सम्पादक

महेन्द्र विष्ट

9852034125

Official Contact

अरुण खबर मिडिया प्रा. लि.

[email protected]

Web: www.arunkhabar.com

दर्ता जानकारी

कम्पनी दर्ता न.१८१३८८

भ्याट न : ६0६८११२७३