विराटनगर, ७ असार । मोरङ प्रहरीले चोरी, तस्करी, गुण्डागर्दी र विभिन्न अपराधिक घटना नियन्त्रणका लागि चलाएको स्वीप अप्रेशन निक्कै प्रभावकारी देखिएको छ ।

एक वर्षको अवधिमा तीन हजार दुई सय ८८ जनालाई नियन्त्रणमा लिएर स्क्रिनिङ गरिएको मोरङ प्रहरी प्रमुख एसपी विश्व अधिकारीले बताउनु भयो । उहाँकाअनुसार एक वर्षको अवधिमा चोरी, तस्करी र गुण्डागर्दीबाट हुने घटनामा कमि आएकाले स्वीप अप्रेशनलाई निक्कै प्रभावकारी मानिएको छ ।

एसपी अधिकारीले आफ्नो कार्यकालमा प्रतिबन्धित विप्लव समूहका मेची–कोसी ब्युरो संयोजक, सचिव, जनपरिषद् प्रमुखसहित २१ जनालाई पक्राउ गरेर कारबाहीको दायरामा ल्याइएको जानकारी दिनु भयो ।

उहाँकाअनुसार एक वर्षको अवधिमा पाँचवटा अटोम्याटिक पेस्तोल, पाँचवटा कटुवा पेस्तोल, आठवटा भरुवा बन्दुक गरेर १८ वटा हतियार र छ वटा म्यागजिन तथा २६ राउण्ड गोली बरामद गरिएको छ ।

हाल मोरङबाट सरुवा हुनु भएका एसपी अधिकारी भोलि काठमाडौं जाँदै हुनु हुन्छ । उहाँको ठाउँमा एसपी सन्तोश खड्का मोरङ प्रहरी प्रमुख बनेर आउनु भएको छ ।

सम्बन्धित शीर्षकहरु

उमा–गौरीले पाँचसय महिला उद्यमीलाई ब्याज अनुदानमा कर्जा प्रवाह गर्ने

नेपाल यमनसँग प्रतिस्पर्धा गर्दै

नदी जन्य पदार्थको उत्खननका लागि प्रदेश सरकारले कार्यविधि बनाउने

रोजगार खोज्न हैन उद्यमी बन्न युवाहरुलाई मन्त्री घिमिरेको आग्रह

षष्टिका बस्नेत सूचनाको अधिकार पुरस्कार झालाई

प्रदेश १ मा १६८ संक्रमित थपिए