विराटनगर, ३० जेठ । प्रदेश १ मा आज ३० जना कोरोना संक्रमित थपिएका छन् । प्रदेश १ मा कोरोना संक्रमितको संख्या ३ सय ३४ पुगेको छ ।

आज झापामा १३, सुनसरीमा १०, उदयपुरमा ३, मोरंगमा ३ र इलाममा १ जनामा संक्रमण देखिएको छ । आज संक्रमण देखिएकामा एक महिला र २९ जना पुरुषमा कोरोना संक्रमण देखिएको मुख्यमन्त्री तथा मन्त्रिपरिषद्को कार्यालयले जनाएको छ ।

आज उदयपुरको बेलका नगरपालिकामा ३ जना, सुनसरी देवानगन्जमा १ पुरुष र १ महिला, झोक्राहामा ६ जना पुरुष, हरिनगरमा २, झापाको कचनकवलमा ११ जना पुरुष, बार्हदशीमा २ जना पुरुष, इलामको सुर्योदय नगरपालिकामा १ जना पुरुष र मोरंगको सुनवर्षीमा २ र पथरीशनिश्चरेमा १ जना पुरुषमा कोरोना संक्रमण पुष्टी भएको हो ।

बीपी कोइराला स्वास्थ्य विज्ञान प्रतिष्ठान धरानबाट आज थप ८ जना कोरोना सङ्क्रमित बिरामी निको भएर डिस्चार्ज भएका छन् ।

प्रदेश १ मा डिस्चार्ज हुनेको संख्या १ सय ६२ पुगेको छ ।

सम्बन्धित शीर्षकहरु

पथरीशनिश्चरे नगरपालिकाको लोगो तयार, घर नक्साको म्याद थप

अनलाइन सपिङका नाममा ठगी, ६८ लाख बढी रकमसहित आठ पक्राउ

इटहरी अस्पताललाई स्वास्थ्य सामग्री

मोरंगका विभिन्न स्थानबाट विप्लव नेतृत्वको नेकपा माओवादीका २ सय बढी नेता कार्यकर्ता पक्राउ

लखन्तरीमा रक्तदान

प्रतिकुलतालाई अनुकुलतामा बदल्न आवस्यक : मन्त्री राई