विराटनगर, २१ जेठ । अनौपचारिक क्षेत्र सेवा केन्द्र (इन्सेक) ले आज मोरङको धनपालथान गाउँपालिकामा लकडाउनका कारण शिक्षा, स्वास्थ्य र खाध्य अधिकारमा परेको प्रभावका विषयमा छलफल गरिएको छ ।

कार्यक्रममा गाउँपालिकाका जनप्रतिनिधिहरुले गाउँपालिकाले सम्पूर्ण ध्यान कोरोना रोकथाम तथा नियन्त्रणमा केन्द्रित गरेको बताउका छन् । वडानम्वर २ का वडाध्यक्ष नारायण साहले अहिले क्वारेन्टाईनको व्यवस्थापनमा लागेको बताउनुभयो । वडानम्वर ४ का वडाध्यक्ष रोशन राजवंशीले प्रदेश सरकारबाट आवस्यक आरडिटी किट उपलब्ध हुन नसक्दा क्वारेन्टाईनमा रहेकाहरुको परीक्षण गर्न नपाएको बताउनुभयो । उहाँले क्वारेन्टाईनमा रहेकाहरुको परीक्षण नगर्दा उनीहरुको वसाई लम्विदै गएको बताउनुभयो । वडा नम्वर ६ का वडाध्यक्ष मोहम्वत हुसेनले कोरोनाको प्रभावका कारण गाउँपालिकाकाले नियमित कार्यक्रम गर्न नसकेको बताउनुभयो ।

गाउँपालिकाका स्वास्थ्य शाखा प्रमुख ऋषिराज सेठले सवै वडामा क्वारेन्टाईन तयार गरिएको बताउनुभयो । उहाँले ७० जना अहिले क्वारेन्टाईनमा रहेको बताउनुभयो । स्वास्थ्य शाखा प्रमुख सेठका अनुसार धनपालमा खोपसेवा नियमित रहेको छ ।

शिक्षा शाखा प्रमुख सीता भट्टराईले कोरोना भाईरसका कारण विद्यालय सञ्चालन चुनौतिपूर्ण रहेको बताउनुभयो । उहाँले विद्यार्थीलाई घर घरमा पुगेर पाठ्यपुस्तक वितरण गर्ने योजना रहेको बताउनुभयो । कृषि शाखा प्रमुख ओमप्रकाश सिंहले लकडाउनका कारण कृषिका नियमित कार्यक्रमहरु प्रभावित बन्न पुगेको बताउनुभयो । उहाँले किसानका लागि मल, विउ उपलब्ध गराईदै आएको बताउनुभयो । उहाँले लकडाउनले गर्दा सवै किसान समक्ष कृषि सुविधा पुग्न नसकेको बताउनुभयो ।

इन्सेक प्रदेश १ कार्यक्रम अधिकृत बागमता कट्टेलले निरन्तरको लकडाउनका शिक्षा, स्वास्थ्य र खाध्यअधिकारमा परेको प्रभावका बारेमा जनप्रतिनिधि, शाखा प्रमुखहरुसँग छलफल गरिएको बताउनुभयो । कार्यक्रम मानवअधिकार निगरानी समितिका धनपालका अध्यक्ष कृष्ण राजवंशीको अध्यक्षतामा सम्पन्न भएको थियो ।

सम्बन्धित शीर्षकहरु

प्रदेश १ मा थप ३ जनाको मृत्यु, ७७ संक्रमित थपिए

लागुऔषध र हतियारसहित मोरङबाट पाँच पक्राउ

सरकार खोप छिटो देउ : अधिकारकर्मी

सडकमा बस्नु पर्ने र बाँच्नुपर्ने अवस्थाको अन्त्य गरिने

इटहरी प्रिमियर लिग क्रिकेटमा विराटनगर र इटहरी विजयी

नहरको साइफन नबन्दा समस्या