विराटनगर २० जेठ । प्रदेश १ बाट सोमबार साँझ १८ जना डिस्चार्ज भएका छन् । सुनसरी धरानको वीपी कोइराला स्वास्थ्य विज्ञान प्रतिष्ठान कोभिड १९ उपचार केन्द्रमा उपचाररत १८ जना डिस्चार्ज भएका हुन ।

डिस्चार्ज हुनेमा धरान १३ की एक महिला र झापाका १७ जना पुरुष रहेका छन् । दुई पटक पिसिआर जाँच गर्दा नेगेटिभ रिपोर्ट आएपछि उनीहरुलाई वीपी प्रतिष्ठानबाट साँझ डिस्चार्ज गरेर घर पठाइएको प्रतिष्ठानले जनाएको छ । उनीहरुलाई धरान उपमहानगरपालिकाका प्रमुख तिलक राई, प्रतिष्ठानका अस्पताल निर्देशक डा.गौरीशंकर साह लगायतले विदाई गर्नुभएको थियो ।

निको भएर घर फर्किएकाहरुमध्ये कचनकवल गाउँपालिकाका अयुब मियाँले अस्पतालमा धेरै राम्रो व्यवस्था गरेको प्रतिक्रिया दिनुभयो ।

प्रतिष्ठानको आइसोलेसनमा अहिले ८० जना संक्रमितहरु उपचाररत रहेका छन् । प्रदेश १ मा कोरोना संक्रमितको संख्या १ सय ६७ पुगेको छ ।

संक्रमित भएकाहरु मध्ये उपचारपछि ४८ जना डिस्चार्ज भएका छन् ।

सम्बन्धित शीर्षकहरु

सुन तस्करी प्रकरण : सिलवाल र खेतानलाई छाड्न आदेश

प्रदेश नं. १ का दूई सय विद्यालयलाई प्रविधिमैत्री बनाईने

उच्च अदालत विराटनगरले ७० प्रतिशत मुद्धा फर्छौट गर्ने

प्रदेश १ मा कोरोना संक्रमितको संख्या २ सय ७७ पुग्यो

एमाले संसदीय दलको नेतामा शेरधन राई विजयी

शिक्षालाई सीप र प्रविधिसँग जोड्न आवस्यक : प्याब्सन अध्यक्ष पुरी