विराटनगर, १८ जेठ । विराटनगरस्थित बालसुधार गृहमा कैद सजाय भोगिरहेका एक युवको आज बिहान मृत्यु भएको छ ।

ताप्लेजुङको मौवाखोला गाउँपालिका–४ का १७ वर्षीय विनम सावाँको मृत्यु भएको मोरङ प्रहरीका प्रवक्ता डीएसपी मानबहादुर राईले बताउनु भयो । राईकाअनुसार विनम कर्तव्य ज्यान मुद्दामा सजाय भोगिरहेका युवक हुन् । उनी केही समयदेखि मृगौलाको समस्याबाट पीडित रहेको पाइएको डीएसपी राईले बताउनु भयो ।

झाडापखाला हुनुका साथै वान्ता भएपछि उनलाई हिजो विराटनगरको नोबेल मेडिकल कलेजको आईसीयूमा भर्ना गरिएको थियो । दुवै मृगौलाले काम गर्न छाडेपछि विनमको उपचारकै क्रममा आज बिहान मृत्यु भएको जानकारी चिकित्सकले गराएको राईको भनाइ छ । बालसुधार गृहमा उनी २०७६ पुस २६ गतेबाट कैद सजाय भुक्तान गरिरहेका थिए ।

कर्तव्य ज्यान मुद्दामा जिल्ला अदालत ताप्लेजुङले उनी विरुद्ध १६ वर्ष कैद सजायको फैसला गरेको थियो ।

सम्बन्धित शीर्षकहरु

हिसान स्पोर्टस् मिट : अर्किड, सृजना, मेरिल्याण्ड, रेडस्टार र लर्डबुद्ध कलेज विजयी

प्रदेश १ बाट थप २४ जना कोरोना मुक्त

सिडियो नेपालद्धारा स्वास्थ्य सामाग्री वितरण

सुत्केरी र शिशुको मृत्युसँगै रंगेली अस्पताल तनावपूर्ण

विराटनगरमा जारी विज्ञान सम्मेलन आज सकिदै

प्राइम सहकारीका सञ्चालक पक्राउ