विराटनगर, ६ जेठ । प्रदेश १ मा आज ११ जना कोभिड १९ का संक्रमित थपिएका छन्।

झापाका ९ जना र सुनसरीका १ जनामा संक्रमण पुष्टि भएको हो। यो सँगै प्रदेशमा संक्रमितको संख्या ५४ पुगेको छ। त्यसमध्ये १८ जना उपचारपछि घर फर्केका छन्।

झापाको कचनकवल गाउँपालिकाका ९ जनामा संक्रमण पुष्टि भएको कोशी अस्पतालले जनाएको छ।

कोशी अस्पतालको प्रयोगशालामा उनीहरुको परीक्षण भएको थियो। सुनसरी र माेरंगका २ जनाकाे धरानमा परीक्षण गरिएकाे थियाे ।

प्रदेश१ मा ७ जिल्लामा संक्रमित देखिएका छन् । उदयपुरमा ३३, झापामा १२, माेरंगमा ४ , सुनसरीमा २, खाेटाङमा १, धनकुुटामा १ र भाेजपुरमा १ जना संक्रमित देखिएका हुन ।

संक्रमित मध्ये १८ जना डिस्चार्ज भएका छन् । डिस्चार्ज हुनेमा उदयपुरका १५, झापाका २ र भाेजपुरका १ जना छन् । डिस्चार्ज भएका ७ जना भारतीय नागरिक हुन । उनीहरूलाई उदयपुरमा संक्रमण देखिएकाे थियाे ।

देशभर संक्रमितको संख्या ४ सय २ पुगेको छ ।

सम्बन्धित शीर्षकहरु

सरकार खोप छिटो देउ : अधिकारकर्मी

विश्वासको मत पाउँछु : मुख्यमन्त्री आचार्य

दुर्घटना हुने सवारीमा मोटरसाइकल धेरै

प्रेस स्वतन्त्रता हनन्का घटना मान्य हुन्न : कोइराला

मोफसलमै पहिलो रात्रिकालिन गोल्डकप

सरकारबीच कानुन बनाउने होडवाजी : दाहाल