प्रकाशित : १९ फाल्गुन २०७६, सोमबार १८:२९

विराटनगर, १९ फागुन । विश्व स्वास्थ्य संगठनले नेपाललाई कोरोना भाईरस ( कोभिड १९) को उच्च जोखिममा समावेश गरेपछि सर्तकता अपनाउन शुरु गरिएको छ ।

प्रदेश नं. १ मा कोरोना भाईरसको शंखास्पद व्यक्तिको नमूना संकलन विराटनगरमा गर्ने गरि तयारी शुरु गरिएको छ । आज सामाजिक विकास मन्त्रालयमा बसेको बैठकले प्रदेश नं. १ का तीन स्थानका क्वारेन्टाईन चेकपोष्ट प्रभावकारी बनाईने निर्णय गरिएको छ । विराटनगरको सीमावर्ती नाका जोगवनी, झापाको काकडभिट्टा र इलामको पशुपतिनगर नाकामा रहेको क्वारेन्टाईन चेकपोष्टलाई प्रभावकारी बनाईने निर्णय भएको सामाजिक विकास मन्त्री जीवन घिमिरेले बताउनुभयो ।

बैठकले आवस्यक प्राविधिक जनशक्ति र उपकरण समेतको प्रवन्ध गर्ने निर्णय गरिएको उहाँले बताउनुभयो । शंखास्पद व्यक्तिको नमूना संकलनका लागि विराटनगर सम्म ल्याउनका लागि तीन स्थानमा एम्बुलेन्सको पनि व्यवस्था गरिने भएको छ । बैठकले सार्वजनिक स्थलमामा सुरक्षा सर्तकताका लागि जनचेतनामुलक कार्यक्रम पनि गरिने भएको छ ।

बैठकले एक प्राविधिक समिति पनि बनाउने निर्णय गरिएको छ । समितिमा प्रदेश स्वास्थ्य निर्देशनालय, सामाजिक विकास मन्त्रालय जनस्वास्थ्य महाशाखा, कोशी अस्पताल, नोबेल मेडिकल कलेज, विराट मेडिकल कलेजका प्रमुख वा प्रतिनिधि र विश्व स्वास्थ्य संगठनका प्रतिनिधि सम्मिलित रहने मन्त्रालयले बताएको छ ।

मन्त्री घिमिरेको अध्यक्षतामा बसेको बैठकमा स्वास्थ्य सेवा विभाग व्यवस्थापन महाशाखा प्रमुख भोगेन्द्र डोटेल, राष्ट्रिय जनस्वास्थ्य प्रयोगशालाका मेडिकल टेक्नोलोजिष्ट डा. त्रिभुवन शाह, स्वास्थ्य तथा जनसंख्या मन्त्रालय चिकित्सा महाशाखाका डा.नरेन्द्रपुकार खनाल, प्रदेश स्वास्थ्य निर्देशनालयका प्रमुख चन्द्रदेव मेहता, सामाजिक विकास मन्त्रालय जनस्वास्थ्य महाशाखा प्रमुख डा.सुरेश मेहता लगायतको सहभागिता रहेको थियो ।

यसैवीच स्वास्थ्य मन्त्रालय तथा जनसंख्या मन्त्रालयकोे टोलीले जोगवनी नाका, कोशी अस्पताल, प्रदेश प्रयोगशालाको अनुगमन गरेको छ । नमूना संकलनका आवस्यक स्थलको छनौटका लागि मन्त्रालयको टोली विराटनगर आएको हो । चीनबाट फैलिएको कोरोना भाईरसको संक्रमण अहिले विश्वका ५८ देशमा फैलिएको छ भने ८७ हजार १ सय ३७ जना संक्रमित भएका छन् ।

सामाजिक संजाल

प्रधान सम्पादक

महेन्द्र विष्ट

9852034125

Official Contact

अरुण खबर मिडिया प्रा. लि.

[email protected]

Web: www.arunkhabar.com

दर्ता जानकारी

कम्पनी दर्ता न.१८१३८८

भ्याट न : ६0६८११२७३