विराटनगर, ३ माघ । प्राज्ञिक विद्यार्थी परिषद् नेपालले पहिलो पटक राष्ट्रिय मिडिया कार्यशाला सञ्चालन गरेको छ । काठमाण्डौमा हिजोबाट शुरू भएको कार्यक्रमको उद्घाटन वरिष्ट पत्रकार जिवराम भण्डारीले गर्नुभएको थियो ।

उद्घाटन कार्यक्रममा पत्रकार भण्डारी, स्तम्भकार कृष्णअनिरूद्ध गौतम, परिषद्का राष्ट्रिय संगठन सचिव नारायणप्रसाद ढकाल, परिषद्का राष्ट्रिय मिडिया प्रमुख मोहन श्रेष्ठ लगायतको सहभागिता रहेको थियो ।

पहिलो दिनको कार्यक्रमा पत्रकार जिवराम भण्डारी, स्तम्भकार कृष्ण अनिरूद्ध गौतम, परिषद्का राष्ट्रिय मिडिया प्रमुख मोहन श्रेष्ठले पत्रकारिता विषयमा विभिन्न जानकारी गराउनुभएको थियो ।

त्यस्तै दोस्रो दिन भएको कार्यक्रममा कान्तिपुर टेलिभिजनका सह–सम्पादक डि.पी. उपाध्याय र थाहा संचारका सम्पादक तिर्थ कोइराला, परिषद्का राष्ट्रिय मिडिया प्रमुख मोहन श्रेष्ठले पत्रकारिता साथै मिडियाका विषयमा जानकारी गराउनुभयो । त्यस्तै परिषद्का राष्ट्रिय संगठन सचिव नारायणप्रसाद ढकालले परिषद्को बारेमा जानकारी गराउनुभयो ।

कार्यक्रममा सात वटै प्रदेशबाट परिषद्सँग आबद्ध ४० जना विद्यार्थीहरूको सहभागिता रहेको थियो । हिजोबाट शुरू भएको कार्यक्रम भोलिसम्म सञ्चालन हुने छ ।

सम्बन्धित शीर्षकहरु

विराटनगरमा सिलिण्डर पड्केर आगलागी

प्रदेश सरकारले लकडाउनको मोडालिटी बदल्ने : मन्त्री घिमिरे

नक्कली औषधी विक्री गर्ने विराटनगरबाट पक्राउ

इन्जिनियर समूहद्धारा कोरोना परिक्षणका लागि बुथ निर्माण

प्रदेश १ मा २२८ कोरोना संक्रमित थपिए, ९१ जना डिस्चार्ज

मिल्स माविका पुर्व शिक्षक सम्मानित