विराटनगर, ३ माघ । विराटनगर महानगरपालिकाका राजस्व महाशाखा प्रमुख राजेन्द्र प्रधानले महानगपालिकाकै दुई विद्यालयहरुमा लेखापारिक्षकको नियुक्ति लिएर दोहोरो सुविधा लिएको पाईएको छ । उनले महानगरपालिकाको शिक्षा शाखालाई प्रभावमा पारि नियुक्ति लिएको पाइएको हो ।

२०७० सालदेखी बहालवाला कर्मचारीलाई लेखाापरिक्षण गर्न रोक लगाइएको छ । कार्यरत क्षेत्रकै विद्यालय वा अन्य संस्थामा लेखापरिक्षण गरे आर्थिक अनियमिमता हुने भएकाले कर्मचारीलाई लेखापरिक्षणमा रोक लगाइएको हो ।

लेखा परिक्षण गर्नुनै परेको खण्डमा पनि सामान्य प्रशासन मन्त्रालयको पूर्वस्वीकृति लिएर मात्र गर्नुपर्ने भएपनि प्रधानले त्यसोनगरि लेखा परिक्षकको नियुक्ति लिएका हुन् । प्रधान आर एण्ड एसोसिएटको फर्मबाट प्रधानलाई विराटनगरको जनपथ माध्यमिक विद्यालय र मदरसा फैजुनवी आधारभुत विद्यालयको लेखा परिक्षकमा नियुक्त गरिएको छ ।

विराटनगर महानगरपालिकाका सामुदायिक विद्यालयहरुको लेखा परिक्षण गर्नका लागि ५० जना लेखा परिक्षक नियुक्ति गरिएको छ ।

महानगर अन्तर्गत नै संचालनमा रहेको विद्यालयहरुमा महानगरकै कर्मचारीले लेखापरिक्षकको नियुक्ती पाए आर्थिक अनियमितामा सघाउ पुग्ने जानकारहरुको दावी छ । त्यसको अलावा दोहोरो सुविधा हुने भएकाले पनि कर्मचारीले अन्य ठाँउमा काम गर्न बन्देज गरिएको छ । प्रधानले लेखा परिक्षकको नियुक्तिमा पनि माटो रकम चलखेल गरेको श्रोतले बताएको छ ।

सम्बन्धित शीर्षकहरु

प्रदेश नं. १ मा सामुदायिक विद्यालयलाई प्रविधिमैत्री बनाउने अभियान तीव्र

शिक्षालाई सीप र प्रविधिसँग जोड्न आवस्यक : प्याब्सन अध्यक्ष पुरी

प्रदेश १ को राजधानी विराटनगर राख्ने नेकपाको निर्णय

आफ्नो मत खरिदबिक्री नगर्न आह्वान

करेन्ट लागेर दुई जनाको मृत्यु

कोशी अञ्चल अस्पताल बाहिरै ओपीडी