विराटनगर २९ मंसीर । विराटनगर जुनियर जेसिजको आयोजनमा भोलीदेखि टेष्टी–टेष्टी क्वीज प्रतियोगिता हुने भएको छ । विराटनगरमा ५ दिन सम्म चल्ने प्रतियोगितामा प्रदेश नं. १ र २ का ३६ विद्यालयको सहभागिता रहने जुनियर जेसिजकी अध्यक्ष दीपा ओडारीले बताउनुभयो ।

मंसिर ३० गतेदेखि पुस ४ गते सम्म विराटनगरको वीरेन्द्र सभागृहमा हुने प्रतियोगितामा सहभागि विद्यालयलाई ६ वटा समूहमा विभाजन गरिएको छ । प्रतियोगीतामा प्रथम हुन विद्यालयले नगद ३० हजार, ट्रफी प्राप्त गर्ने छन् ।

यस्तै दोश्रो हुने विद्यालयले २० हजार र तृतीय हुनेले १० हजार नगद र ट्रफी हात पार्ने आयोजकले बताएको छ । विराटनगर जुनियर जेसिजको आयोजनामामा विगत २३ वर्षदेखि एउटै प्रयोजक र एकै स्थानमा क्वीज प्रतियोगिता हुँदै आएको छ ।

कावरा ग्रुपको टेष्टी–टेष्टी विस्कुटको प्रयोजन र वीरेन्द्र सभागहृमा क्वीज प्रतियोगिता हुँदै आएको अध्यक्ष ओडारीले बताउनुभयो । विद्यार्थीको क्षमता अभिबृद्धिका लागि आयोजना गरिने क्वीज प्रतियोगिताले विराटनगरमा छुट्टै ऐतिहासिकता बनाएको उहाँले बताउनुभयो ।

सम्बन्धित शीर्षकहरु

भारतमा एकैदिन १५ हजार बढी संक्रमित थपिए

प्रदेश १ : ९ जना संक्रमित थपिए, ३० जना डिस्चार्ज

नयाँ वर्ष ‘तमु ल्होसार’

मोरंग १ मा पुरानै एजेन्डा बोकेर भोट माग्दै उम्मेदवार

पाँच स्थानीय तहसँग मिलेर प्रदेश सरकारले खोला सफा गर्ने

मोरङमा सि जिनपिङ पुस्तकको चर्चा