विराटनगर, १९ कात्तिक । प्रदेश नं. १ का सामाजिक विकास मन्त्री जीवन घिमिरेले न्युनतम मापदण्ड नपुगेका अस्पतालहरुमा ताला लाग्ने बताउनु भएको छ ।

न्युनतम मापदण्ड नपुगेका अस्पतालहरु सञ्चालन गर्न आवस्यक नरहेको उहाँले बताउनुभयो । विराटनगरमा आज देखि शुरु भएको स्वास्थ्य कार्यक्रमको प्रदेश स्तरिय बार्षिक समीक्षा गोष्ठीमा मन्त्री घिमिरेले सो कुरा बताउनु भएको छ ।

तीन दिन सम्म चल्ने समीक्षा गोष्ठीमा सम्पूर्ण अस्पतालहरुको अवस्थाबारे जानकारी दिन पनि उहाँले आग्रह गर्नुभयो । न्युनतम मापदण्ड पुरा नगरि अव अस्पतालहरु सञ्चालन गर्न नपाईने उहाँले बताउनुभयो ।

मन्त्री घिमिरेले प्रदेशभरिमा आयुर्बेद उपचार केन्द्र चार दर्जन बढी भएपनि उपचार गर्न लायक निकै कम भएको बताउनुभयो । उहाँले भन्नुभयो,‘ १० वटा केन्द्रहरु पनि उपचारका लागि लायक छैनन ।’ उपचार गर्न लायक नभए कर्मचारी पाल्नका लागि मात्रै आयुर्वेद केन्द्र सरकारले सञ्चालन नगर्ने उहाँको भनाई छ ।

मन्त्रालयले आयोजना गर्ने गोष्ठीहरु भात र भत्तामा मात्रै केन्द्रित भएकै भन्दै उहाँले भन्नुभयो,‘ अव यस्तो प्रवृत्तिको अन्त्य गर्नुपर्छ ।’ स्वास्थ्य संस्थाहरुको तथ्याङ्क ‘अपडेट’ हुन नसक्दा कार्यक्रमहरु तयार गर्न पनि समस्या भएको मन्त्री घिमिरेले बताउनुभयो ।

वीमा कार्यक्रम प्रभावकारी हुन नसकेकाले अभियानका रुपमा लैजान आवस्यक रहेकोमा जोड दिनुभयो । घर–घरमा गएर वीमा कार्यक्रमबारे बताउन आवस्यक रहेको मन्त्री घिमिरेले बताउनुभयो ।

वीमा गरेकाहरुले पनि अस्पतालले दिने सेवा गुणस्तरिय नभएको भन्दै नविकरण नगरेको पाईएकाले अस्पतालहरुले दिने सेवाको गुणस्तर बढाउनु पर्ने बताउनुभयो ।

सम्बन्धित शीर्षकहरु

प्रदेश १ बाट पनि शुरु भयो श्रम स्वीकृति

प्रदेश नं १ः सबै जिल्ला अस्पतालको स्तरोन्नति गरिने

साढे १० महिनामा ११ जनाको हत्या

नेकपा विराटनगर ८ द्धारा मास्क वितरण

सामाजिक दबाबपछि बाल विवाह रोकियो

नैतिकताको अभावमा सडक दुर्घटना बढ्यो