विराटनगर, १ भदौ । भारतको कोलकातामा हुने १५ वर्षमूनिका साफ च्याम्पियन्यसीप फुटबलका लागि नेपाली राष्ट्रिय टोलीको विदाइ गरिएको छ ।

सुनसरीको इटहरीमा अखिल नेपाल फुटबल संघका पदाधिकारीहरुले २९ जनाको टोलीलाई विदाइ गरेको हो । बिदाइका क्रममा एन्फा अध्यक्ष कर्माछिरिङ शेर्पाले नेपाली फुटबलको विकासले गति लिदै गएको बताउनुभयो ।

साफ च्याम्पियन्सीपमा सहभागी हुने टोलीलाई शुभकामना दिदैं अध्यक्ष शेर्पाले स्तरीय खेलको प्रदर्शन गर्दै उपाधि जित्ने क्षमता टोलीमा रहेको बताउनुभयो ।

सुहाँउदिलो वातावरणका लागि इटहरीमा पछिल्लो एकसातादेखि टोली इटहरीमा बन्द प्रशिक्षणमा रहेको बताएका टोली ब्यवस्थपक निरोज खड्गीले कोलकाता मिसन जितका लागि हुने बताउनुभयो । प्रदेश एकबाट सात जना खेलाडीसहितको टोलीको कप्तानी प्रदीप लम्सालले गरिरहेकाछन् ।

नेपालले पहिलो खेल भारतविरुद्ध भदौ ४ गते कल्याणी स्टेडियममा खेल्नेछ । प्रतियोगितामा आयोजक राष्ट्र भारतसंगै साविकको विजेता बंगलादेश, पाकिस्तान, श्रीलंका र भुटानसंग नेपालले राउण्ड रोविनका आधारमा प्रतिस्पर्धा गर्नेछ । गतवर्ष काठमाडांैमा सम्पन्न प्रतियोगितामा नेपाल चौथो स्थानमा रहेको थियो ।

सोक्रममा बंगलादेशले पाकिस्तानलाई पेनाल्टीमा पराजित गर्दै उपाधि चुम्न सफल भएको थियो। भारतीय टोली भने तेश्रो स्थानमा रहेको थियो ।

प्रकाशित मिति : ६ चैत्र २०७५, बुधबार १४:५६

सम्बन्धित शीर्षकहरु

कोसीको मेसुमा डा. लोहनी

ओझा विरुद्ध उजुरी बढ्दै

कान्तिपुर कलेजका १२ कक्षाका विद्यार्थीको विदाई

मोरङमा प्रदेश सभाको पनि मतगणना सकियो

‘डमी ट्राफिक’ ले दुर्घटना कम गर्यो

मेची नेत्रालय काकँरभिट्टा गोल्डकप हुने