विराटनगर, १६ वैशाख । समुदायमा आधारित पुर्नस्थापना केन्द्र (सीवीआर) विराटनगरले अपाङ्गता भएका १७ जनालाई सहयोग सामाग्री वितरण गरेको छ ।

केदारमल तोदी निजि ट्रष्ट र सीवीआर विराटनगरको संयुक्त आर्थिक तथा प्राविधिक सहयोगमा पुर्व क्षेत्रका १७ जनालाई सहयोग सामाग्री वितरण गरिएको हो । अपाङ्गता भएका व्यक्तिहरुलाई विशेष खडा फ्रेम, वाकर, ट्राईसाइकल, आंशिक हात लगायतका ११ प्रकारका सहयोग सामाग्री विरतरण गरिएको हो ।

सहयोग सामाग्री खरिदका लागि केदारमल तोदी ट्रष्टले २ लाख रुपैयाँ प्रदान गरेको अध्यक्ष अध्यक्ष स्नेहा पोखरेलले जानकारी दिनुभयो ।

कार्यक्रममा प्रदेश नं १ को सामाजिक विकास मन्त्रालयका सचिव हरिप्रसाद दाहालले अपाङ्गता भएका व्यक्तिहरुको विषयमा मन्त्रालयले विभिन्न गतिविधिहरु गरिरहेको बताउनुभयो ।

सहयोग सामाग्रीको विषयमा पनि चाँडै निर्णय गरिने बताउनुभयो । केदारमल तोदीले सहयोग सामाग्री खरिदका लागि सीवीआरलाई नियमित रुपमा सहयोग गर्ने प्रतिबद्धता जनाउनुभयो । उहाँले सहायक सामाग्री एक पटक मात्र वितरण गरेर नहुने बताउनुभयो ।

सहायक सामाग्री पाएपछि धेरै सहयोग पुगेको अपाङ्गता भएका व्यक्तिहरुले बताएका छन् ।

पाँचथरकी प्रभा आङदम्वेले सहायक सामाग्रीले धेरै सहज हुने बताईन । कक्षा ११ पढ्दै गरेकी उनको देब्रे पट्टीको हातको आधा भाग जन्मदै थिएन । कृतिम हात लगाएपछि आफुलाई धेरै सहयोग पुग्ने उनले बताईन ।

सम्बन्धित शीर्षकहरु

शिक्षालाई विकाससँग जोड्न नसक्दा सामुदायिक विद्यालय रुग्ण उद्योग भए : मन्त्री पोखरेल

भाषाशास्त्री पोखरेलको नाममा सडकको नामाकरण गर्ने तयारी

मोरङमा आज थप ४ संक्रमितको मृत्यु

प्रदेश १ को पहिलो बैठक आज बस्दै , बैठक डेढ घण्टा चल्ने

टिपरको ठक्करबाट बालकको मृत्यु

लोकदर्शनको मुख्यसचिव यात्राः स्याङ्जाली कांग्रेसले खेदेपछि आरजुको शरणमा