विराटनगर २५ चैत । पण्डित काशीनाथ उपाध्याय हरिप्रिया कट्टेल वाङमय प्रतिष्ठानले नबौ बार्षिक उत्सवको अवसरमा साहित्यिक क्षेत्रमा विशिष्ठ योगदान पुर्याउने आधा दर्जन स्रष्टाहरूलाई सम्मान गरेको छ ।

आज विराटनगरमा आयोजित कार्यक्रममा प्रतिष्ठानले साहित्यकारहरू प्रा.डा. गोविन्दराज भट्टराई, प्रा.डा. गुरूप्रसाद सुवेदीलाई जनही २१ हजार र मेनुका चाँपागाईलाई ११ हजार १ सय ११ नगद र प्रमाण पत्र सहित सम्मान गरेको हो ।

यसरी सम्मानित हुनेहरूमा धरान पिण्डिेश्वर विद्या पिठका रामचन्द्र ढकाल र भूपाल कोइरालालाई जनही २ हजार ५ सय नगद र झापा चारपानेको सस्कृत विद्यालयलाई १५ हजार नगद सहित सम्मान गरेको छ ।

प्रदेश न १ का प्रदेश प्रमुख प्रा.डा. गोबिन्द वहादुर तुम्वाहाङले फुल, माला र दोसल्ला ओढाएर स्रस्टाहरूलाई सम्मानित गरे । उनले भाषा ,साहित्य र कला क्षेत्र मौलिक पहिचान रहेको चर्चा गर्दै यसकोे उत्थानमा सामाजिक क्षेत्रबाट हुने गरेको कार्य प्रशंसनिय रहेको बताउनुभयो । कार्यक्रममा गंगाधर कट्टेलद्धारा लिखित आमा खण्डकाब्यको प्रदेश प्रमुख तुम्वाहाङले लोकापर्ण समेत गर्नुभयोे ।

कार्यक्रममा प्रतिष्ठानका अध्यक्ष नारायणप्रसाद कट्टेल , प्रा.डा. गोबिन्द भण्डारी, प्रा.डा.टुनराज भट्टराई , पिताम्वर कट्टेल , डीग घिमिरे,अच्यूत कट्टेल, ज्ञानेन्द्रप्रसाद दाहाल लगायतका बक्ताहरूले पुरस्कृतहरूलाई बधाई दिए ।

सम्बन्धित शीर्षकहरु

मेची अस्पतालमा विशिष्ट सेवा शुरु

विराटनगरबाट १४ क्षेत्रमा हवाई उडान सञ्चालन गरिने

वंशज नागरिकता पाउनु पर्ने भन्दै विराटनगरमा प्रदर्शन

रोजगार खोज्न हैन उद्यमी बन्न युवाहरुलाई मन्त्री घिमिरेको आग्रह

प्रदेश नं. १ मा अपाङ्गता उन्मुलन गरिने

प्रदेश १ मा ३ जना संक्रमित थपीए