विराटनगर, १९ चैत । १ नम्बर प्रदेश सरकारले आउदो हप्ताभित्र सबै कर्मचारीको समायोजन प्रक्रिया पूरा गर्ने जनाएको छ ।

प्रदेशका प्रमुख सचिव केदार न्यौपानेले हालसम्म प्रशासन सेवा लेखा समूहको समायोजन प्रक्रिया सकिएको र सामान्य प्रशासन समूह, राजस्व समूहको पनि प्रक्रिया अगाडि बढेको बताउनु भयो ।

कर्मचारी समायोजन प्राथमिकताका साथ भइरहेको बताउँदै न्यौपानेले संघीय सरकारबाट सम्पूर्ण सेवा समूह, उपसमूहको कर्मचारीको एकीकृत विवरण नपठाएको कारण समायोजनको काममा ढिलाइ भएको पनि बताउनु भयो । प्रदेशले कृषि समूह, वन सेवा, शिक्षा सेवा तथा प्राविधिक सेवाका कर्मचारी समायोजनको काम भने अझै सुरु गर्न सकेको छैन ।

प्रदेशमा संघीय सरकारबाट ३ हजार ५ सय कर्मचारीको प्राप्त हुने अपेक्षा गरेको बताउँदै न्यौपानेले अपुग कर्मचारी र प्रदेश सरकारले स्थापना गर्ने कार्यालयको विषयमा सर्भेको काम सुरु भएको बताउनु भयो ।

सर्भेपछि प्राप्त विवरण अनुसार संघीय लोकसेवा आयोग तथा प्रदेश लोकसेवा आयोग मार्फत छिटो बाटोबाट कर्मचारी भर्ना गरिने न्यौपानेको भनाइ छ ।

न्यौपानेले प्रदेशको नीति योजना र कार्यक्रम लागू गर्ने काम समायोजन सकिएलगत्तै द्रुततर गतिमा अगाडि बढ्ने पनि बताउनु भयो ।

सम्बन्धित शीर्षकहरु

एनआइसी एशिया बैंकको निक्षेप योजना

मोरङको उर्लाबारीमा होटल सञ्चालकले कुटपिट गर्दा ग्राहकको मृत्यु

विद्यालय स्तरीय चित्रकलाको उपाधि सुम्निामा र सिद्धार्थलाई

राज्यको नीति अनुसार नचल्ने वित्तीय संस्थालाई कारवाही गर्नुपर्छ –खतिवडा

नोबेलमा दुई जना कोरोना संक्रमितको मृत्यु

प्रहरीमाथि औंला उठाउने वातावरण बन्दैन : मोरङ एसपी खड्का