विराटनगर, १७ चैत । प्रधानमन्त्री केपी शर्मा ओलीले नेपाली समाजको वास्तविक हिरो मदन भण्डारी भएको बताउनुभएको छ ।

आफ्नो जिवन गएको २५ वर्षपछि पनि जननेता भण्डारीले लिएका सोच र विचार अनुसारै देशले नयाँ बाटो प्राप्त गरेको बताउनुहुँदै प्रधानमन्त्री ओलीले उहाँको विचार अहिले पनि उत्तिकै सान्दर्भिक रहेको उल्लेख गर्नुभयो ।

मोरङको उर्लाबारी नगरपालिका –३ स्थित मदन भण्डारी स्मृति प्रतिष्ठानमा इञ्जिनियरिङ कलेजको उद्घाटन, प्रतिष्ठानको रजतजयन्ती स्तम्भ अनावरण र साधारणसभाको उद्घाटन गर्नुहुँदै प्रधानमन्त्री ओलीले जननेता भण्डारीको विचार अनुसारै अहिलेको शासन प्रणाली स्थापित भएको उल्लेख गर्नुभयो ।

कोही मानिसले नबुझेर र स्वार्थका कारण विरोध गरेपनि जननेता भण्डारीको विचार अनुसारै अब देशको सुशासन र विकाश हुने बताउनुभयो ।

मदन भण्डारी स्मृति प्रतिष्ठानको विकाशका लागि संघीय, प्रदेश र स्थानीय तह तीनवटै सरकार एकभएर लाग्नुपर्नेमा जोड दिँदै प्रधानमन्त्री ओलीले यस संस्थाको विकाश नै समाजको विकाश हो भन्नुभयो ।

यस संस्थामा अध्ययन गर्ने भाईबहिनीहरु इञ्जिनियर र प्राविधिक भएर निष्कने भएकाले नै संस्थाको विकाश नै समाजको विकाश हो भन्नुभयो । शिक्षाको गुणस्तरमा कुनै सम्झौता गर्न नहुने बताउँदै प्रधानमन्त्री ओलीले शिक्षामा राजनीतिक रंग देखाउन नहुनेमा जोड दिनुभयो ।

अनुहार हेरेर काम गर्ने परिपाटी अन्तय गर्नुपर्ने भन्दै प्रधानमन्त्री ओलीले संस्थाको लेखाप्रणाली स्वच्छ र पारदर्शी हुनुपर्नेमा जोड दिनुभयो ।

प्रधानमन्त्री ओलीले सरकारले आयोजना गरेको लगानी सम्मेलनको सफलतापछि अब यही आर्थिक वर्षभित्रै युवाहरुलाई ध्यानमा राखेर युवाहरुको व्यापक सहभागितामा अन्र्तराष्ट्रिय खोज, अध्ययन एवम् अनुसन्धान सम्मेलन आयोजना गर्ने जानकारी दिनुभयो ।

सो क्रममा १ नं. प्रदेशका मुख्यमन्त्री शेरधन राई, प्रदेशका मन्त्रीहरु, नेपाल कम्युनिष्ट पार्टी (नेकपा) प्रदेश नं. १ का इन्चार्ज भिम आचार्य लगायतको पनि सहभागिता रहेको थियो । रासस

सम्बन्धित शीर्षकहरु

दुर्घटनामा शिक्षकको मृत्यु

मोरङको उर्लाबारीमा जनप्रतिनिधि विवाद झन् चर्कियो

रेलमार्ग परियोजनाको काम अघि बढाउन सामाजिक विकास मन्त्री घिमिरेद्धारा पहल

कालो सूचीमा परेका ग्राहक बिरुद्ध विद्युत प्राधिकरण विराटनगरले मुद्धा दायर गर्ने

विराट गोल्डकप : संकटा सेमिफाइनलमा प्रवेश

स्वास्थ्य क्षेत्रमा रहेका गैरक्रियाकलाप अन्त्य गरिने : स्वास्थ्य मन्त्री ढकाल