प्रकाशित : ११ फाल्गुन २०७५, शनिबार १८:४६

विराटनगर, ११ फागुन । एसबीएससी अन्तर विद्यालय स्तरीय चित्रकला प्रतियोगिताको उपाधि विराटनगरमा रहेको सुम्निमा बोर्डिङ स्कूल र सुन्दर हरैचाको सिद्धार्थ बोर्डिङ स्कूलले जितेको छ ।

जिल्लाभरीको स्कूलहरूलाई पछि पार्दै जुनियर स्कूलतर्फ सुम्निमा र सिनियतर्फ सिद्धार्थ स्कूल प्रथम भएका हुन् । सुम्निमा स्कुलका सुमन चौधरी र सिद्धार्थका रोसन लिम्बुले बनाएको चित्र प्रथम भएको हो ।

संस्थागत विद्यालय बचत तथा ऋण सहकारी संस्था लि. मोरङले विराटनगरमा आज आयोजना गरेको चित्रकला प्रतियोगिताको जुनियरतर्फको द्धितीय ग्रेडेड स्कूलकी रोजीशा शिवभक्तीले बनाएको चित्र भयो भने तृतीय सम्निका स्कूलका मायुखा जोसीले बनाएको र सान्तवना मदरल्याण्ड एकाडेमी स्कूलकी प्रिति मेहताले बनाएको चित्र भएको थियो ।

त्यस्तै सिनियरतर्फको द्धितीय विराटनगरस्थित एभरेष्ट स्कूलका राहुल चौधरीले बनाएको भयो । तृतीय ग्रेडेड स्कूलका अनुराग पौद्धारले बनाएको भयो भने सान्तवना सुन्दरहैरचामा रहेको सुबिजीमुरका प्रज्जवल शर्माले बनाएको चित्र घोषित भयो ।

प्रतियोगिताको प्रथम, द्धितीय, तृतीय र शान्तवना हुने विद्यालयहका विद्यार्थीहरूले ३ हजार, २ हजार १ हजार र ५ सय रुपैयाँको साथै आकर्ष ट्रफि प्राप्त गरेका थिए । प्रतियोगिताको निर्णायकहरूमा ललित कला केन्द्रका सल्लाकार नरकुमार श्रेष्ठ र निवास पोखरेल रहेका थिए ।

विद्यार्थीहरूको प्रतिभा खोजी गर्नुको साथै उनीहरूमा रहेको अन्तरहिन प्रतिभा प्रस्फुटन गर्न जिल्ला स्तरीय चित्रकला प्रतियोगिता आयोजना गरेको सहकारी अध्यक्ष विष्णु डंगोलले जानकारी दिनुभयो । प्रतियोगितामा ३५ विद्यालयका ९७ जना विद्यार्थीहरूले प्रतियोगितामा भाग लिएको कार्यक्रम संयोजक तथा सहकारीको उपाध्यक्ष मोहन बुढाथोकीले बताउनुभयो ।

यो सहकारीले प्रत्येक वर्ष एसएसएसी अन्तर विद्यालय स्तरीय चित्रकला प्रतियोगिता आयोजना गर्दै आएको छ । चित्रकलाको साथै विद्यार्थीहरूको प्रतिभा खोजी गर्ने उद्देश्यले सिंगीन स्टार समेत गर्दै आएको छ ।

प्रतियोगितामा विजेता हुने विद्यार्थीहरूलाई प्याब्सन मोरङको अध्यक्ष अर्जुन बस्नेत, वरिष्ठ उपाध्यक्ष सीतला सुब्बा, सचिब प्रेमलालसिंह सुवाल, नगर अध्यक्ष इन्द्र राई सहकारीको अध्यक्ष विष्णु डंगोल, संस्थापक अध्यक्ष खम्बसिंह बस्नेतलगायले पुरस्कार वितरण गरेका थिए ।

सामाजिक संजाल

प्रधान सम्पादक

महेन्द्र विष्ट

9852034125

Official Contact

अरुण खबर मिडिया प्रा. लि.

[email protected]

Web: www.arunkhabar.com

दर्ता जानकारी

कम्पनी दर्ता न.१८१३८८

भ्याट न : ६0६८११२७३