विराटनगर, १८ माघ । नेत्रविक्रम चन्द ‘विप्लव’ नेत्रृत्वको नेकपाका प्रवक्ता खड्गबहादुर विश्वकर्मा ‘प्रकाण्ड’ का छोरा विराटनगरबाट विहिबार साँझ गोलीसहित पक्राउ परेका छन् ।

कालिकोट घर भएका २७ वर्षीय नरेन्द्र विश्वकर्मालाई पक्राउ गरिएको मोरङ प्रहरीले जनाएको छ । पक्राउ परेका नरेन्द्रको साथबाट नाईन एमएम पेस्तोलमा लोड हुने तीनवटा गोली बरामद भएको स्रोतले बतायो ।

उनी यति एयरलायन्सको जहाजबाट साँझ ५ः५५ को फ्लाइटमा विराटनगर विमानस्थल हुँदै काठमाडौं जाने तयारीमा थिए ।

मोरङ प्रहरीका प्रवक्ता डीएसपी घनश्याम श्रेष्ठले विमानस्थलमा सुरक्षा चेकजाँचका क्रममा गोली फेला परेपछि नरेन्द्रलाई पक्राउ गरिएको बताउनु भयो । उहाँले अनुसन्धानकै क्रममा रहेका कारण धेरै कुरा खुलाउन नमिल्ने बताउनु भयो ।

प्रकाशित मिति : ६ चैत्र २०७५, बुधबार १४:५६

सम्बन्धित शीर्षकहरु

भोली प्रदेश नं. १ मा सार्वजनिक विदा

जलवायु परिवर्तन सम्बन्धि युवा सम्मेलन विराटनगरमा शुरु

मोडल

निर्वाचन प्रत्यासीका न्यूनतम खर्च साढे १० अर्ब

समानुपातिकतर्फ ६० जिल्लाको मतगणना समाप्त

‘सार्वजानिक लिखत प्रमाणिकरण कार्यविधि विधेयक’ पेश