विराटनगर १७ माघ । नेपाली काङ्ग्रेसका केन्द्रीय सदस्य डा शेखर कोइरालाले पार्टीको महाधिवेशन समयमै हुनुपर्ने बताउनु भएको छ । विराटनगर ४ नं वडा समितिले आज आयोजना गरेको कार्यक्रममा बोल्दै कोइरालाले सो बताउनु भएको हो ।

कांग्रेस नेतृत्व तहले २०७६ भित्रै महाधिवेशन गर्न सक्यो भने पार्टी सुदृढीकरण र बलियो हुने विश्वास उहाको छ । कांग्रेस राजनैतिक चरित्र बोकेको पार्टी भएको भन्दै उहाले सनकको भरमा गलत काम नगर्ने बताउनु भयो ।

कांग्रेसको संगठन कमजोर बनेको र त्यसलाई उर्जाशिल बनाउन महाधिबेशन आबश्यक रहेको कोइरालाले भनाई छ । उहाले समयमै महाधिवेशन नभए कांग्रेस सदाका लगी कमजोर ठहरिने बताउनु भयो ।

संगठनलाई उर्जा भर्न आफु अग्रसर भएको र त्यसका लागि सहयोग गर्न कांग्रेस कार्यकर्ता शुभेच्छुक संग कोइरालाले आग्रह गर्नु भयो ।

कार्यक्रममा प्रदेशसभा सदस्य केदार कार्की, चुमनारायण तवदार, विराटनगर महानगरपालिकाका प्रमुख भीम पराजुली , वडा नं. ४ का वडाध्यक्ष देवेन्द्र पोखरेल, कांग्रेस वडा वुथ समिति सभापति राजकुमार तवदार लगायतको सहभागिता रहेको थियो ।

प्रकाशित मिति : २८ माघ २०७५, सोमबार १७:३९

सम्बन्धित शीर्षकहरु

बालबालिकामा ‘हेन्ड, फुट र माउथ डिजिज’

भूकम्पको असर सामुदायिक विद्यालयमा र पुनःनिर्माण प्रकृयामा

‘मन्त्रः च्यान्टिङ अफ टेक्नोलोजी’ सम्बन्धी प्रदर्शनी सम्पन्न

६ दिनदेखि राखेको शव नोबेलले आफन्तलाई बुझायो

बिरामीको मृत्युपछि नोबेलमा तनाव

कोशीमा पानीजहाज चलाउने प्रकृया अघि बढेको छ : प्रम ओली