विराटनगर १४ माघ । कोशी अञ्चल अस्पताल विराटनगरमा भोली चिकीत्सकहरु रिले अनसनमा बस्ने भएका छन् ।

अनसनरत प्रा. डा. गोविन्द केसीको जीवन रक्षाका निम्ति नेपाल चिकित्सक संघ केन्द्रीय समितीले दिएको ७२ घण्टाको अल्टिमेटममा पनि सरकारले कुनै कदम नचालेको भन्दै नेपाल चिकित्सक संघ कोशी अञ्चल शाखाको नेतृत्वमा कोशी अन्चल अस्पतालको प्राङ्गणमा रिले अनसन बस्ने कार्यक्रम तय भएको अध्यक्ष डा. फरवार्ड सिलवालले जानकारी दिनुभयो ।

गत माघ १० गते नेपाल सरकारलाई माग सम्बोधनका लागि दिएको ७२ घण्टाको अल्टिमेटमका सम्बन्धमा सरकारले कुनै पनि कदम अगाडी नबढाएपछि नेपाल चिकित्सक संघ केन्द्रीय समितीले माघ १४ गते देखि आन्दोलनका कार्यक्रमहरु देशभर संचालन गर्ने हिजो निर्णय गरेको थियो ।

केन्द्रिय समितिको निर्णय अनुसार भोली कोशी अञ्चल शाखाको नेतृत्वमा कोशी अन्चल अस्पतालको प्राङ्गणमा रिले अनसन बस्ने कार्यक्रम तय भएको अध्यक्ष डा. सिलवालले बताउनुभयो ।

उहाँका अनुसार रिले अनसन विहान १० वजेदेखि शुरु हुने छ । अनसन साँझ ५ वजे सम्म जारी रहने उहाँले बताउनुभयो ।

आन्दोलनका कार्यक्रम घोषणा गर्न बाध्य पारिएको परिस्थितिबाट आम सर्वसाधारणहरुमा पर्न सक्ने असुविधाप्रति नेपाल सरकार नै जिम्मेवार हुने अध्यक्ष डा. सिलवालले बताउनुभयो ।

प्रकाशित मिति : ६ चैत्र २०७५, बुधबार १४:५६

सम्बन्धित शीर्षकहरु

डा भट्टराई तेस्रो पटक विजयी

प्रदेश १ को राजधानी धरानलाई बनाइनु पर्ने माग

भारत लैजाँदै गरेको मरिच बरामद

मोरङ पूर्ण खोप सुनिश्चित जिल्ला घोषणा

काँग्रेसद्धारा विराटनगरमा बृहत प्रदर्शन

विप्लवका मोरंग जिल्ला इन्चार्ज सहित पाँच पक्राउ