उर्लाबारी, १० पुस । मोरङको उर्लाबारी नगरपालिका – ७ मा सोमबार साँझ आगलागी हुँदा एक महिलाको जलेर मृत्यु भएको छ ।

साँझ साढे ६ बजे रामबहादुर थापाको घरमा आगलागी हुँदा आगोले जलेर बुहारी ४५ वर्षिया रिनाको घटनास्थलमै मृत्यु भएको इलाका प्रहरी कार्यालय उर्लाबारीका प्रहरी निरीक्षक रामप्रसाद तिमल्सिनाले जानकारी दिनुभयो ।

आगलागीको समयमा घरमा ८४ वर्षिय ससुरा रामबहादुर र बुहारी रिना रहेका थिए । रामबहादुरलाई स्थानीयबासी र प्रहरीले उद्धार गरेपनि बुहारी कोठामा चुक्कुल लगाएर सुतेकाले उद्धार गर्न नसक्दा आगोले जलेर मृत्यु भएको प्रहरीले जनाएको छ । घरमा ससुरा रामबहादुर र बुहारी रिनासँगै नाती २५ वर्षिय हेमन्त थापा थिए । आगलागीको समयमा हेमन्त भने घर बाहिर थिए ।

आगलागीबाट फुस र टाटीको बेराले बनेको घर जलेर नष्ट हुँदा ५ लाख बराबरको क्षति भएको छ । आगलागीको कारण खुल्न नसकेको प्रहरी निरीक्षक तिमल्सिनाले बताउनुभयो ।

सम्बन्धित शीर्षकहरु

जोगवनी नाका ठप्प

प्याब्सन मोरङको अध्यक्षमा सुब्बा निर्वाचित

विराट गोल्डकप फागुनमा गर्ने तयारी

मानवसेवा आश्रम र जेष्ठ नागरिक ग्राम गौरवशाली परियोजना : मन्त्री घिमिरे

अपाङ्ग महासंघमा शर्मा निर्वाचित

प्रदेश १ मा आरडिटी र पिसीआर विधिबाट ६ हजार ३ सयको परीक्षण