काठमाण्डौ, १३ कात्तिक । छातीमा संक्रमण र शरिरमा चिनीको मात्रामा घटवड भएपछि अस्पताल भर्ना भएका प्रधानमन्त्री केपी शर्मा ओलीको स्वास्थ्य अवस्थामा उल्लेख्य सुधार देखिएको छ ।

मौसमी ज्वरोका कारण शुक्रवारबाट सताईका प्रधानमन्त्री ओलीलाई छातीमा संक्रमण देखिएपछि हिजो बिहान राजधानीको महाराजगञ्जस्थित मनमोहन कार्डियो सेन्टरमा भर्ना गरिएको थियो ।

प्रधानमन्त्री ओलीका प्रेस संयोजक चेतन अधिकारीकाअनुसार, उहाँले बिहानको नियमित काम आफै गर्नुभएको र सामान्य हिडडुल गर्नुभएको छ ।

उपचारमा संलग्न छाती रोग बिशेषज्ञ डा. सन्तकुमार दासले पछिल्लो समय ज्वरो नआएको तथा रक्तचाप र मुटुको चाल नियन्त्रणमा रहेको जानकारी दिनुभयो । श्वास फेर्दा छातीमा घ्यार–घ्यारको आवाज आएकाले ७२ घण्टा निगरामीमा राखिएको डा. दासको भनाई छ । संक्रमण बढ्ने आशंकामा अस्पतालले भेटघाटमा कडाईं गरेको छ ।

अहिले बिहान थप स्वास्थ्य परीक्षण पछि मात्र थप स्थितिबारे भन्न सकिने अस्पतालले जनाएको छ ।

दशैंमा भएको धपेडीका कारण स्वास्थ्यमा समस्या देखिएको हुन सक्ने अनुमान सहित निजी सचिवालयले बढी भिडभाड र धपेडी हुने कार्यक्रममा भरसक नलैजाने बताएको छ ।

सम्बन्धित शीर्षकहरु

सरकारीलाई निजि विद्यालयसँग प्रतिष्पर्धी बनाउनुपर्छ : मन्त्री कार्की

प्रदेश १ मा शंकास्पदमाथि निगरानी बढाइयो

सामाजिक विकास मन्त्रालयद्धारा मन्त्री घिमिरेको स्वास्थ्यलाभको कामना

प्रदेश १ : कोरोना भाइरसका शंकास्पद ३ हजार ११ जनाको स्वाव संकलन

मानसिक त्रासकावीच परिक्षा दिदै विद्यार्थी

झुटो विवरण पेश गरेर नागरिकता लिने थुनामा