Breaking News

एसियन च्याम्पियनसीका लागि राष्ट्रिय टोली भारत प्रस्थान

प्रकाशित मिति : ४ आश्विन २०७५, बिहीबार १०:५३

विराटनगर, ४ असोज । भारतको आग्रामा आयोजना हुने एसियन स्कुल यू–१८ च्याम्पियनसीप फुटबल प्रतियोगितामा सहभागी हुन नेपाली राष्ट्रिय टोली आज भारत प्रस्थान गरेको छ ।

प्रतियोगिता ४६ औं संस्करण सम्म पुग्दा नेपालले भने पहिलो पटक भाग लिने अवसर पाएको छ । अखिल नेपाल फुटबल संघ (एन्फा) का केन्द्रीय सदस्य रुपेश अधिकारीले पहिलो पटक सहभागीताको अवसर पाए पनि टोली जितको उदेश्य सहित भारततर्फ लागेको बताउनु भयो ।

प्रशिक्षक, व्यवस्थापक, अफिसियल, रेफ्री सहितको खेलाडी टोली पूर्वको काँकडभित्ता नाका हुँदै भारत प्रस्थान गरेको अधिकारीले जानकारी दिनु भयो । उहाँका अनुसार २८ सदस्यीय टोलीलाई मोरङको, विराटनगर हरैंचा, बेलबारी, उर्लाबारी र झापाको काँकडभित्तामा भव्य कार्यक्रमको आयोजना गरेर विदाई गरिएको छ ।

फुटबल संघ आवद्ध विभिन्न क्लव, पूर्व खेलाडी, जिल्ला स्थित एन्फाका पदाधिकारी तथा खेलप्रेमीहरुले विजयका लागि अग्रिम शुभकामना दिंदै खेलाडीलाई फुल, माला र अविर लगाएर विदाई गरेका हुन् । प्रदेश १ का मुख्य मन्त्री शेरधन राईले भने यस अघि नै राष्ट्रिय टोलीको विराटनगरमा विदाई गरिसक्नु भएको छ ।

एक महिनादेखि विराटनगरमा भइरहेको बन्द प्रशिक्षणबाट दिनेश हेन्जनको कप्तानीमा २० जना खेलाडी सम्मिलित राष्ट्रिय टोली चयन गरिएको थियो । नेपाली टिममा रहेका २० जना मध्ये १३ जनाले यस अघि अन्तराष्ट्रिय खेल खेलिसकेका छन् । सात जना नयाँ अनुहार छन् । भारतको आग्रामा असोज ४ गतेबाट सुरु हुने प्रतियोगिता १० दिन सम्म चल्ने छ ।

नेपाली टिमका तर्फबाट गोलरक्षकको भूमिकामा विष्णुकुमार केसी, विशाल सुनार र सूर्य अधिकारी मध्ये एक जना रहने छन् । विकास खवास, नविन गुरुङ, राजन गुरुङ, असिम गुरुङ, रन्दिप पौड्याल र सजित राई रक्षकको भूमिकामा रहने छन् । नितिन थापा, मनिष थापा, जय गुरुङ, सेतेहाङ आङ्देम्बे, सुरज ज्यू ठकुरी र अनिल महर्जन मिडफिल्डर हुन् । स्ट्राइकरमा कप्तान दिनेश हेन्जन, बुद्ध वल तामाङ, रितिक खड्का, अनुप गुरुङ र टिका गुरुङ रहेका छन् ।

मुख्य प्रशिक्षकमा चेतनारायण श्रेष्ठ, प्रशिक्षकमा पासाङ तामाङ, गोलरक्षक प्रशिक्षकमा चक्रबहादुर तामाङ, टिम व्यवस्थापक रुपेश अधिकारी, अफिसियल दिपेन्द्र तिवारी, रेफ्री श्रवण लामा, फिजिओ प्रवेष भट्राई र हाम्रा सहकर्मी किशोर बुढाथोकी टोलीमा हुनुहुन्छ । प्रतियोगिता अन्र्तगत समूह ‘क’ मा रहेको नेपालले थाइल्याण्ड, इन्डोनेशिया र चीनसंग प्रतिष्पर्धा गर्ने छ ।

त्यसै गरी समूह ‘ख’ मा आयोजक राष्ट्र भारत, श्रीलंका, दक्षिण कोरिया र मलेशिया रहेका छन् । नेपालले असोज ७ गते थाइल्याण्डसंग पहिलो खेल खेल्ने छ । मुख्य प्रशिक्षक चेतनारायण श्रेष्ठले टोलीले जित्नकै लागि खेल्ने बताउनु भयो ।

प्रकाशित मिति : २८ मंसिर २०७५, शुक्रबार ११:४४

सामाजिक संजाल

प्रधान सम्पादक

महेन्द्र विष्ट

9852034125

Official Contact

अरुण खबर मिडिया प्रा. लि.

[email protected]

Web: www.arunkhabar.com

दर्ता जानकारी

कम्पनी दर्ता न.१८१३८८

भ्याट न : ६0६८११२७३