विराटनगर, १७ भदौ । अवैध सामान सहित पक्राउ परेका तीन जनालाई आज आवश्यक कारवाहीका लागि विराटनगर भन्सार कार्यालयमा बुझाइएको छ ।

विराटनगर महानगरपालिका १५ र १८ बाट प्रहरीले हिजो एक लाख ६२ हजार चार सय ७० रुपैयाँ बराबरको अवैध सामान सहित तीन जनालाई पक्राउ गरेको थियो ।

प्रहरीले भारत अररिया बैजनाथपुर १ का १८ वर्षीय राहुल साह, ४५ वर्षीय मनोज साह र ५० वर्षीय मोहित लाल साहलाई पक्राउ गरेको हो ।

अवैध रुपमा भन्सार छली गरेर सामान तस्करी गर्दै गर्दा उनीहरु पक्राउ परेको प्रदेश १ प्रहरी कार्यालय विराटनगरले जनाएको छ । प्रहरीले भारतबाट ल्याउँदै गरेको लत्ताकपडा, खाद्यान्न र नेपालबाट भारततर्फ लगिंदै गरेको मरिच उनीहरुका साथबाट बरामद गरेको छ ।

बरामद गरिएको तस्करीको सामान सहित तीनै जनालाई आवश्यक कारवाहीका लागि भन्सार कार्यालयमा बुझाइएको प्रहरीले जनाएको छ ।

सम्बन्धित शीर्षकहरु

विषादी मिसिएको पानी पिउँदा २८ विद्यार्थी बिरामी

साउनभित्र प्रदेशको राजधानी र नामाकरण टुंग्याइने

मोरङको मिक्लाजुङमा अत्याधुनिक हतियार फेला

संविधान कार्यन्वयनको विकल्प नभएको पुर्वसभामुख नेम्वाङ्गको भनाई

प्रदेश १ मा आज १ सय ३९ संक्रमित थपिए

नेपालमा कोरोनाका कारण १६ जनाको मृत्यु, ५ हजार बढी संक्रमित