विराटनगर, २८ साउन । नेपाली कांग्रेसका पूर्वसभापति तथा पूर्वप्रधानमन्त्री सुशील कोइरालाको ७९ औं जन्मजयन्तीका अवसरमा नेपाली कांग्रेस मोरङले विचार गोष्ठी आयोजना गरेको छ ।

आज पार्टी कार्यालय पोखरियामा आयोजित कार्यक्रममा केन्द्रीय सदस्य अमृत अर्यालले संविधान निर्माणमा सुशील कोइरालाको अतुलनीय योगदान रहेको चर्चा गर्नुभयोे ।

उहाँले भन्नुभयोे, “सुशील’दाकै कारण मुलुकले संविधान प्राप्त गरेको हो । अहिले विभिन्न तत्वहरु संविधानलाई असफल बनाउने खेलमा लागेका छन् ।” उहाँले संविधानको सफल कार्यान्वयन भएमात्रै कोइरालाको आत्माले शान्ति पाउने बताए । कार्यक्रममा नेता अशोक कोइरालाले सुशील कोइरालाकै कारण मुलुकले संविधान पाएको दाबी गर्नुभयोे ।

“राष्ट्रिय र अन्तर्राष्ट्रिय शक्तिहरु संविधान जारी नहोस् भन्ने पक्षमा थिए,” उनले भने, “चौतर्फी दबाब हुँदाहुँदै पनि सुशील’दाले संविधान घोषणा गरेरै छाड्नुभयो ।”

कार्यक्रममा कांग्रेस नेता दिलीप गच्छदार, सांसद शेखरचन्द्र थापा, विराटनगर महानगरपालिकाका मेयर भीम पराजुली, मोरङ कांग्रेसका सचिव नागेश कोइरालालगायतले सुशील कोइरालाले नेपालको प्रजातान्त्रिक आन्दोलन र संविधान निर्माणमा पुर्याएको योगदानको चर्चा गरेका थिए ।

प्रकाशित मिति : ६ चैत्र २०७५, बुधबार १४:५६

सम्बन्धित शीर्षकहरु

बाझिएका कानूनका बुँदा संसोधनको माग

सरकारबीच कानुन बनाउने होडवाजी : दाहाल

आगामी मंसिर २१ गते दोश्रो चरणमा हुने प्रदेश र प्रतिनिधिसभा निर्वाचनका लागि मोरङमा उम्मेदवारी दर्ताको झलक (फोटो फिचर)

प्रकाण्डका छोरा गोलीसहित विराटनगरबाट पक्राउ

विराटनगरमा नशा रहित होली

दुर्गम क्षेत्रका जनतामा सेवा पुर्याउनु पर्नेमा मुख्यमन्त्री शेरधन राईको जोड