विराटनगर, २३ साउन । विराटनगर महानगरपालिकाले गरेको कर बृद्धिको विरोधमा आज रक्तदान कार्यक्रमको आयोजना गरिएको छ । युवा संघ र वाईसिएल नेपालले संयुक्त रुपमा महानगर कार्यालय प्रवेश गर्ने गेटमै रक्तदान कार्यक्रमको आयोजना गरेका हुन् ।

कार्यक्रममा संकलन भएको ३० पिन्ट रगत नेपाल रेडक्रस सोसाइटीलाई बुझाइएको छ ।

सडक तताएर र भौतिक संरचना तोडफोड गरेर तथा चर्का नारा लगाएर आन्दोलन गर्नु भन्दा पनि रचनात्मक र सिर्जनात्मक हिसावबाट विरोध गरेर कर बृद्धिको निर्णय फिर्ता गराउने अभियानमा जुटेको युवा संघ मोरङका अध्यक्ष नविन पौडेलले बताउनु भयो ।

महानगरले एक हजार प्रतिशत सम्म कर बृद्धि गरेको बताउँदै उहाँले सर्वसाधारण जनतालाई धेरै भार पर्ने गरी गरिएको निर्णय खारेजीको माग गर्दै रक्तदान गरिएको जानकारी दिनु भयो ।

पौडेलले जनताले पाउनै पर्ने र राज्यले प्रदान गर्नै पर्ने अनिवार्य सेवा सुविधामा एक हजार प्रतिशत सम्म कर बृद्धि गरेर जनतामारा निर्णय महानगरले गरेको पनि बताउनु भयो ।

वाईसिएल नेपालका केन्द्रीय सचिवालय सदस्य ईश्वरी आचार्यले कर बृद्धिको विरोधमा महानगरपालिकालाई एउटा ज्ञापन पत्र पनि बुझाइएको बताउनु भयो । उहाँले अप्रत्यासित कर बृद्धि फिर्ता गरेर कर समायोजनका सवालमा पुर्नबीचार गर्न माग गर्दै ज्ञापन पत्र बुझाइएको जानकारी दिनु भयो ।

कर बृद्धिको शैलीको विरोध गर्दै त्यसलाई समायोजन गरेर जनपक्षीय बनाउनु पर्ने आफूहरुको मुख्य माग रहेको आचार्यले बताउनु भयो ।

सम्बन्धित शीर्षकहरु

टिपरको ठक्करबाट बालकको मृत्यु

जनताले परिवर्तनको महशुस गर्ने गरि कलम चलाउन पत्रकारहरुलाई मुख्यमन्त्री राईको आग्रह

घरेलु मैदानमा बंगलादेशको सामना गर्दै नेपाल

घूससहित वन अधिकृत पक्राउ

सामान्य बन्दै रानी क्षेत्र, परिवारले बुझे शव

अत्यावस्यक काम बाहेक घर वाहिर ननिस्कन प्रदेश प्रमुख अधिकारीको आग्रह