प्रकाशित : १२ श्रावण २०७५, शनिबार १७:४०

विराटनगर, १२ साउन । झोराहाट नाट्य समूहको आयोजनामा हरेक महिनाको दोस्रो शनिबार हुँदै आएको मासिक साहित्यिक शृंखला सम्पन्न भएको छ ।

नाट्य समूहको हलमा २६ औं शृंखलाका रुपमा आयोजित कार्यक्रममा चारजना कविले आफ्ना चार–चार वटा कविता प्रस्तुत गरेका थिए । ‘गाउँमा रंगमञ्च, जीवन र संस्कृतिको फरक अभ्यास’ भन्ने नाराका साथ आयोजित कार्यक्रममा कवि सागर तिम्सिनाले ‘मान्छे’, ‘महाकविलाई गाउँमा घुमाउँदा’, साँच्ची किनाराका सदर’ र ‘पार्वती सदा’ तथा हरि कट्टेलले ‘दलित र मुक्तिको आवाज’, ‘मान्छेसँग अग्लिन’, ‘छाउपडीको छोरी व्यथा’ र ‘नेपाल बन्द छ’ शीर्षकका कविता वाचन गर्नु भएको थियो ।

त्यस्तै झापा दमककी कवि सुमित्रा बाङ्देल (चेली)ले ‘जन्मभूमि’, ‘भानुभक्त बालाई चिठ्ठी’, ‘प्रश्न समयलाई’ र ‘एउटा यस्तो घर बनाऊँ’ शीर्षकको कविता वाचन गर्दा कवि दीपक शम्चुले ‘आमाको आशीर्वाद’, ‘छोरालाई चिठ्ठी’, ‘एक शिक्षकको बयान’ र ‘आत्महत्या’ शीर्षकको कविता वाचन गर्नुभयोे ।

कार्यक्रमको प्रारम्भमै चारैजना कविलाई प्राज्ञ विवश पोखरेल, साहित्यकार बलराम पोरखेल, गायत्रीकुमार चापागाईं र आयोजक संस्थाका अध्यक्ष भरत गुरागाईंले संयुक्त रुपमा माला लगाएर सम्मान गर्नु भएको थियो ।

झोराहाट नाट्य समूहमा आएर हालसम्म एक सयभन्दा बढी कविले आफ्ना कविता वाचन गरिसकेको कार्यक्रम संयोजक प्रयाग न्यौपानले जानकारी दिनुभयो ।

समूहले साहित्यिक कार्यक्रमका साथै नाटक मञ्चन, प्रशिक्षणलगायतका कार्यक्रम पनि सञ्चालन गरिरहेको कार्यक्रमका सहसंयोजक उमेश लुइँटेलले बताउनुभयो ।

सामाजिक संजाल

प्रधान सम्पादक

महेन्द्र विष्ट

9852034125

Official Contact

अरुण खबर मिडिया प्रा. लि.

[email protected]

Web: www.arunkhabar.com

दर्ता जानकारी

कम्पनी दर्ता न.१८१३८८

भ्याट न : ६0६८११२७३